Rydym yn Credu mewn Gofalwyr Ifanc ac Oedolion sy’n Gofalu
Dewch i gysylltiad am groeso cynnes
Mae Credu hefyd yn cefnogi: Gofalwyr Ifanc Wrecsam, Conwy a Sir Ddinbych & Gofalwyr Ifanc ac Oedolion sy’n Gofalu ym Mhowys
A ydych yn gofalu am aelod o’r teulu neu ffrind?
Yna rydych chi’n cyfrif hefyd!
Rydym yn gwrando arnoch, oherwydd mae pob unigolyn a’u hamgylchiadau yn unigryw. Rydym yn cefnogi gofalwyr di-dâl a gofalwyr o fewn teuluoedd o bob oedran yng Ngheredigion.
Mae rhai enghreifftiau o’r ffordd mae Gofalwyr yn cael cefnogaeth yn cynnwys:
-
Cael rhywun i siarad gyda hwy a fydd yn gwrando ac yn helpu i ganfod ffordd ymlaen
-
Cael mynediad at y wybodaeth gywir – i wneud dewisiadau yn seiliedig ar wybodaeth choices
-
Cysylltu gyda grwpiau, teithiau, gwasanaethau a sefydliadau eraill
-
Cael egwyl – gofal amnewid (oedolion sy’n gofalu), gweithgareddau a theithiau (gofalwyr ifanc) neu ffyrdd eraill o gael egwyl
-
Cefnogi bywyd ochr yn ochr â gofalu – gydag addysg, gwaith, cyfleoedd cymdeithasol, iechyd a lles
-
Sgiliau a hyfforddiant – ar gyfer eich rôl gofalu, ar gyfer eich lles a’ch dyheadau eich hunan
-
Llais a dylanwad – cefnogi gofalwyr i gael gwrandawiad i’w llais ac i ddylanwadu ar y sefydliadau a gwasanaethau maent yn eu defnyddio.
-
Cwnsela – gwasanaethau am ddim i bobl dros 18 mlwydd oed a ddarperir gan wirfoddolwyr
-
Nawdd – help i gael mynediad at grantiau, nawdd a budd-daliadau
-
Cefnogi gyda rhyddhau claf o’r Ysbyty, paratoi i rywun ddod adref o’r ysbyty a rôl gofalu newydd neu wedi newid
I gael cefnogaeth, neu i ganfod mwy,
ffoniwch 03330 143377 neu anfonwch e-bost at ceredigion@credu.cymru
Mae Gofalwyr Ceredigion Carers yn gonsortiwm sy’n cynnwys Credu – Cysylltu Gofalwyr, Ymddiriedolaeth Gofalwyr Gogledd Cymru ac Ymddiriedolaeth Gofalwyr Gorllewin Cymru..
A ydw i’n Ofalwr?
Os ydych yn gofalu am aelod o’r teulu neu ffrind sy’n sâl neu’n anabl, yna rydych yn Ofalwr. Gall hyn fod yn blentyn / gŵr neu wraig / rhiant neu berthynas arall/ffrind. Mae Gofalwyr yn bwysig i deuluoedd a chymunedau, ac mae gofalu yn gallu bod yn werth chweil ac yn heriol mewn pob math o ffyrdd, yn ymarferol ac yn emosiynol.
Rydym yn meddwl fod Gofalwyr yn anhygoel. Rydym wrth ein boddau’n gwrando arnoch ac yn eich cefnogi gyda’r hyn sy’n bwysig i chi mewn ffordd sy’n gweithio i chi, boed os ydych angen ychydig o wybodaeth sylfaenol yn unig neu os ydych eisiau gweithio trwy ambell her gymhleth.
Oedolion sy’n Gofalu
A ydych yn oedolyn sy’n gofalu am rywun?
Pan fyddwch yn gofalu am eich plentyn / gŵr neu wraig / rhiant neu berthynas arall/ffrind … gall fod yn werth chweil ac yn heriol.
Mae Credu yma i’ch cefnogi chi a chynnig cefnogaeth ymarferol a/neu emosiynol. Credu is here to support you and offer practical and/ or emotional support.
Mae ein cefnogaeth yn gwbl hyblyg o amgylch yr hyn sydd ei angen arnoch a’r hyn sy’n gweithio orau i chi.
Efallai y byddwn angen rhywun i fod yn llais ar eich rhan, neu eich bod angen cyngor ar bwnc penodol. Efallai y byddwch eisiau cael coffi a sgwrs yn unig, dewch i gyslltiad (link). Mae ein cefnogaeth yn gwbl hyblyg ac yn canolbwyntio ar yr hyn sy’n gweithio orau i chi a’r hyn rydych yn ei ddweud sydd ei angen arnoch.
Rydym hefyd yn trefnu grwpiau/gweithgareddau cefnogi amrywiol y mae croeso i chi ymuno a chysylltu gyda gofalwyr eraill ynddynt.
Rydym yma i chi ac yn cynnig lefel o gefnogaeth yr ydych chi’n gyfforddus ag ef. Gallwch gysylltu â ni, a byddwch yn cael croeso cynnes.
Gofalwyr Ifanc / Oedolion Ifanc sy’n Gofalu
Gofalwr ifanc yw rhywun sy’n cefnogi neu’n helpu i ofalu am rywun sydd ag anabledd neu rywun sy’n sâl.
Mae gennym dîm cyfeillgar yng Ngheredigion sydd yno i gyflwyno gwybodaeth a chyfarwyddyd i ti, i’th gefnogi, i gynnig i’th gynrychioli neu i siarad ar dy ran os wyt ti angen help (er enghraifft gyda’r ysgol) neu i wrando arnat ti a deall dy sefyllfa yn unig.
Rydym yn deall pa mor heriol y gall fod i gefnogi rhywun tra’n jyglo cymaint o newidiadau yn dy fywyd megis ysgol/ ffrindiau/ bywyd cymdeithasol, a pha mor bwysig yn union yw cael rhywun i estyn allan atynt i siarad gyda hwy neu i fynd atynt am help neu gyngor.
Rydym hefyd yn trefnu grwpiau cefnogi a gweithgareddau a gallwn eich cysylltu chi gyda gofalwyr ifanc eraill sydd mewn sefyllfaoedd tebyg.
Mae Ceredigion yma i chi ac fe fyddwn yn gweithio gyda thi i gyflwyno’r union gefnogaeth sydd ei hangen arnat ac yr wyt ti ei heisiau.
Gwasanaeth Gwybodaeth i Ofalwyr Cyngor Ceredigion
-
Gwasanaeth gwybodaeth i ofalwyr
-
Cerdyn Gofalwyr Ceredigion
-
Cylchgrawn Gofalwyr
-
Cronfa Gofalwyr
-
Gwybodaeth ar fudd-daliadau Lwfans Gofalwyr - Gwybodaeth ar Lwfans Gofalwyr a sut i’w hawlio. Ffôn: 0800 731 0297
-
Delta Connect (Saesneg) - Mae’r prosiect CONNECT yn cyflwyno gwasanaeth gofal dros y ffôn a llinell bywyd uwch ar draws Sir Gaerfyrddin, Sir Benfro a Cheredigion.
Cerdyn Gofalwyr Ifanc
Mae’r Cerdyn Adnabod Gofalwr Ifanc ar gyfer Gofalwyr Ifanc.
Gofalwr Ifanc yw rhywun sy’n helpu i ofalu am ffrind neu aelod o’r teulu na allant ymdopi ar ben eu hunain oherwydd bod ganddynt anabledd, salwch corfforol neu feddyliol neu eu bod wedi’u heffeithio am gamddefnyddio sylweddau neu alcohol.
Byddi’n gallu ymgeisio am Gerdyn Adnabod Gofalwr Ifanc os wyt ti neu’r unigolyn rwyt yn gofalu amdano/amdani yn byw yng Ngheredigion.
